Black+Decker innkallar borðsagir sem seldar voru á tímabilinu 27.02.20 - 05.08.21 í Húsasmiðjunni vegna slysahættu. Athugið að þetta gildir eingöngu um vélar á fyrrgreindu tímabili – búið er að uppfæra óseldar vélar.

Slysahættan fellst í því að öryggishlíf getur skekkst þannig að hún snerti sagarblaðið við notkun. Ef hlífin snertir blaðið getur hún brotnað og þ.a.l. skapað hættu fyrir notandann. Þess vegna er mikilvægt að skipta út öryggishlífinni ásamt kleifnum (járnið fyrir aftan sagarblaðið). Þessi uppfærsla er eigendum að kostnaðarlausu og fer fram á verkstæði Sindra í Kópavogi.

Eigendur véla sem keyptar voru á þessu tímabili er hvattir til að koma tækjunum sem fyrst í uppfærslu, sem er þeim að kostnaðarlausu. Athugið að nóg er að koma bara með sögina (óþarfi að koma með aukahlutina með).

• Koma með vélina í næstu Húsasmiðjuverslun.
• Pakka vélinni eftir leiðbeiningum (sjá skjal hér neðar).
• Fylla út fylgiskjal (getur fengið það á staðnum, eða prentað út sjálfur).
• Haft verður samband þegar vél hefur verið uppfærð, þá er hægt að sækja hana í viðeigandi verslun.

Við biðjumst velvirðingar á þeim óþægindum sem þetta kann að valda. Nánari upplýsingar veitir starfsfólk í verkfæradeildum Húsasmiðjunnar.