Timbur er okkar sérfag
Um áratuga skeið hefur Húsasmiðjan þjónustað byggingariðnaðinn og einstaklinga á Íslandi við byggingaframkvæmdir. Finna má efni frá Húsasmiðjunni í mörgum af þekktustu byggingum Íslands og að sjálfsögðu miklum fjölda heimila landsins. Við erum stolt af sögu okkar og leggjum mikinn metnað í að bjóða upp á byggingarefni sem stenst íslenskar kröfur.
Timbur er eitt algengasta efni til húsbygginga enn í dag og m.a. notað í burðarvirki, innréttingar og klæðningar.
Hjá Húsasmiðjunni starfa fjöldi sérfræðinga í timbri og byggingavörum sem kaupa inn timbur, fylgjast með nýjungum og veita viðskiptavinum gagnlega ráðgjöf við kaup á timbri og byggingarefni.
Helstu tegundir timburs
- Styrkleikaflokkað efni / Burðarviður :
Sérvalið, heflað og þurrkað timbur, oftast kallað styrkleikaflokkað timbur eða burðarviður. Mest notað í húsbyggingar á Íslandi. - Grindarefni:
Heflað, húsþurrt timbur til notkunar innanhúss. ( - Óheflað byggingatimbur:
Óheflað, svokallað 5. flokks timbur, mikið notað í uppslátt, þakklæðningar o.fl. - Gagnvarið timbur eða pallaefni:
Sérmeðhöndlað með viðarvörn sem eykur mótstöðu þess gegn fúasvepp og skordýrum. Hentar því einstaklega vel utanhúss í palla, skjólgirðingar o.fl. Húsasmiðjan selur eingöngu AB fúavarið efni þar sem reynslan sýnir að lakari gæði henta ekki íslenskum aðstæðum.