Fréttatilkynning frá Húsasmiðjunni
Ný sókn Húsasmiðjunnar með Bygma 
19. desember 2011

Húsasmiðjan hefur verið seld danska byggingavörufyrirtækinu Bygma A/S í opnu söluferli, en tólf tilboð bárust í Húsasmiðjuna og  var tilboð Bygma A/S hagstæðast.

Við þessi tímamót segir Sigurður Arnar Sigurðsson forstjóri Húsasmiðjunnar:
„Við hjá Húsasmiðjunni fögnum því að sterkur aðili skuli nú koma að þessu rótgróna félagi og hlökkum til að hefja nýja sókn á íslenskum byggingavörumarkaði með Bygma sem traustan bakhjarl.

Starfsfólk og stjórnendur Húsasmiðjunnar hafa gengið í gegnum erfiða tíma undanfarin ár. Enginn vafi leikur á að sá góði hópur fólks sem starfar innan Húsasmiðjunnar hefur unnið þrekvirki við að hagræða í rekstrinum við krefjandi aðstæður. Húsasmiðjan hefur á sama tíma haldið hlutdeild sinni á íslenskum byggingavörumarkaði.

Hinn mikli áhugi fjárfesta á Húsasmiðjunni sem og tilboð danska kaupandans er til marks um að góður árangur hefur náðst í hagræðingu og endurskipulagningu Húsasmiðjunnar. Ljóst er að nýir eigendur hafa trú á framtíð fyrirtækisins. Af því megum við vera stolt.”

Fyrir hönd stjórnenda og starfsfólks, 

Sigurður Arnar Sigurðsson forstjóri Húsasmiðjunnar

Fréttatilkynning frá Framtakssjóði Íslands og Bygma Gruppen A/S
Bygma Gruppen A/S Acquires Icelandic Retailer Húsasmiðjan